mandag 2. juni 2003

Bænin breytir


Ég elska að biðja, einmitt vegna þess að það virkar. Ef þú upplifir að bænin er eitthvað lifandi, þá hættirðu aldrei að biðja, segir Jostein Nielsen.

Leidtogi Musterisflokksins í Osló og leidtogi árlega bænaátaksins «Bæn fyrir Osló», er róttækur. Ekki hræddur við að tala um andlega krafta. Um andlega baráttu. Um engla og náðargjafir. «Andleg fjarvistarsönnun Hjálpræðishersins», sagði einn í gríni, þegar hann var að kynna hann. Sjálfur talar majór Jostein Nielsen afslappað um sambandið upp á við og inn á við.

Biður eftir Gudi

Biðurðu mikið?
Hvað er það að biðja mikið? Ég er ekki aðalbiðjandi Hjálpræðishersins. Þad væri ekki rétt að segja það, en ég get ekki sagt annað en að bænin er mjög mikilvægur þáttur í lífi mínu. Bæn getur verið barátta — það er ekki bara gleði og gaman. Ef það er erfitt að biðja, þá verðum við að hafa þad skýrt fyrir augum hvað bæn er.

Já, hvað er bæn?
Til að lýsa þvi, gætirðu skrifað heila bók, segir hann og dregur fram bók Ole Hallesbys «Fra bönnens verden», (Frá heimi bænarinnar). Þar stendur ad tvennt þurfi til í bænalífinu, vanmátt og trú. Maður þarf á vanmættinum að halda og maður venður að trúa því að það hjálpi að biðja. Þegar Páll skrifar bréf sín, biður hann fyrir þeim sem hann skrifar til, að þeir megi skilja vilja Guðs. Á því augnabliki sem þú skilur hann, færðu orkugjafann í bænina. Pá verður bæn þin á réttri leið. Þú veist hvert þú ert að fara. Ég bíð oft og spyr: «Guð, hvað viltu núna?» Að vera næmur, gefa Heilögum Anda tíma og sjá hvað gerist, er mjög spennandi.

Bæn hefur líka önnur blæbrigði. Til dæmis að hvíla í nærveru Drottins. Eða virk tilbeiðsla, lofa Jesú og viðurkenna hann sem Drottin. Fyrst á seinni árum hef ég upplifað bænina sem mjög sterkt hjálpartæki. Þó svo að ég hafi reynt mikið með Guði áður fyrr, þá hafði ég ekki mikið úthald og hélt að ég myndi aldrei geta beðið í þrjá tíma. Núna geri ég það.

Guð stjórnar

Hvað hefur gerst?
Hjá mér fjallaði það um að leyfa að ég missti stjórnina. Tvisvar gaf ég Guði frjálsan aðgang og í þriðja skiptið kom Heilagur Andi inn í líf mitt eins og stormsveipur. Þ­­að varð breyting á lífi mínu. Ég fékk að sjá þetta róttæka að Guð stjórnar. Ég á aðeins að vera upptekinn af honum. Þetta gefur frelsi! Samtímis er ég hræddur um að leggja of mikla áherslu á einstaka upplifanir. 

Hvað þá með tímann áður en þetta gerðist? Guð notaði mig líka þá, en það sem gerðist, hefur gert mig afslappaðri í sambandi mínu við Guð. Það hefur gert mig öruggan í Guði, hver hann er. En ég upplifi líka árásir, sérstaklega ef ég er þreyttur. ­Þá eru það eiginlega smámunir sem geta gert mig órólegan. Óvæntir hlutir geta valdið mér ótta. Þetta sé ég sem hluta af baráttunni, nokkuð sem verður að biðja um vernd gegn.

Inn i nærveruna

Að biðja, það gerir majórinn. Á einni viku verða það margir tímar. En hvaða þýðingu hefur það? Það fjallar mikið um að vera i nærveru Guðs. Þegar ég bið fyrir sjálfum mér, leita ég inn að föðurhjarta Guðs. Jesús gefur mér möguleika til þess og Heilagur Andi staðfestir nærveru Guðs. Stundum get ég upplifað þetta líkamlega — eins og vindblæ, næstum eins og rafstraum, eða herbergið er fullt af dýrð Guðs. En þú getur ekki upplifað nærveruna nema upplifa eigin vanmátt.
Stundum er eins og tíminn hverfi allt einu, því Guð er ekki tími. Hann er eilífur. Klukkutími getur virkað eins og fimm mínútur. Ég hef enga skýringu á þessu, en ég upplifi það að hverfa inn í Guð.

Majórinn hættir. Veit að sumir geti andmælt pessu. Við verðum að vera varkár, svo við förum ekki yfir strikið í átt að draumórum, en það er svo lítið útbreytt að ég er ekki hræddur um að fólk biðji of mikið. Ég skal senda skýr skilaboð þegar það gerist, segir Jostein hlæjandi.

Nærvera Guds er ekki eitthvad, sem ég geng inn í og út úr - hún er þar allan tímann. Þar med verdur sjálft Iifið bæn.

Þetta getur virkað háfleygt. Ég lít á smáatvik í daglega lífinu sem bænasvar. Til dæmis get ég verið á göngu og sé allt í einu einn safnaðarmeðlim, sem er blindur, og sér ekki að leigubílinn er kominn. Þá get ég komið til hjálpar. Margir segja kannski að þetta sé tilviljun, en ég lít á það sem smá kveðju frá Guði. Ég hef lika farið eftir sannfæringu, sem ég hef enga skynsamlega skýringu á. Til dæmis veit ég ekki hvers vegna ég vel að fara úr rútinni í öðrum bæ en ég ætlaði og heimsæki þar fólk, og í Ijós kemur að þau eiga erfiðleikum og þurfa ad tala við einhvern.

Læknaður

Sjálfur hefur hann upplifað að „þurr bæn" gerði hann frískan af sjúkdómi, sem hafði þjáð hann árum saman. Hann hafði skjaldkirtilssjúkdóm, sem orsakaði röng efnaskifti í líkamanum. Í heilt ár fékk hann stóra skammta af lyfjum, en það bar engan árangur. Svo reyndu læknarnir geislavirkt joð, en þegar bað bar engan árangur, varð hann aftur að reyna lyfjameðferð.
Þegar ég mætti í bruðkaup dóttur minnar, tók bróðir minn mig til hliðar og sagði: «Þú lítur svo illa út að við förum ekki héðan fyrr en við höfum beðið fyrir þér.» Stuttu seinna fórum við, ásamt föður okkar, inn í herbergi, þar sem beir báðu fyrir mér, einfalda bæn. Þar og þá upplifði ég ekkert sérstakt. En næsta dag fann ég að mér leið illa af lyfjunum. Ég hafði samband við heimilislækninn minn og sagðist vilja hætta á lyfjunum. Hann bað mig að tala við sérfræðing, en ég náði ekki sambandi við hann. «Þá hættirðu á eigin ábyrgð»," sagði læknirinn. Eftir betta hafa efnaskiftin verið eðlileg, segir Jostein, og undirstrikar að hann, í fyrirráðleggi aldrei neinum að hætta á lyfjum.

Biður fyrir húsinu

Majórinn trúir þvi að bæn geti breytt andrúmslofti húsa og haft áhrif á fólk, sem kemur þar inn. Oft blessar hann herbergin, biður fyrir lofti og veggjum.
Það er undarlegt hvernig nærvera Guðs getur sett svip sinn á byggingar. Við erum að gera upp gamalt hús við Kragerö og við þurftum á rafvirkja að halda. Hann kom og vann í nokkra tíma. Það gerði líka hjálpræðishermaður, sem sá um pípulagnir. Pegar leið á daginn kom pípulagningarmaðurinn til mín og sagdi: «Hvað hefurðu gert við rafvirkjann? Ég þekki hann og veit að hann getur varla sagt setningu án þess að bölva. Nú eru lidnir margir tímar og ég hef ekki heyrt eitt blótsyrði!» Það sem ég hafði gert, var að biðja þess að ekkert illt kæmi inn í húsið.

Fyrir samkomur kemur stundum fyrir að ég geng um og blessa stólana. Ég finn enga smurningu, það er svo þurrt og blátt áfram eins og hugsast getur. En eftir eina samkomu sögðu tveir drengir, sem voru á samkomunni að það hefði verið eins og stólarnir væru að brenna undir þeim. Eiginlega voru þeir fallnir frá trúnni, en þetta kvöld fundu þeir að þeir urðu að velja. Seinna urðu þeir hermenn í Hjálpræðishernum!

Bæn er barátta

Svarar Guð alltaf?

Já, ég trúi því, en stundum er eitthvað sem við sjálf þurfum að svara fyrst. Þú verður að leggja allt í hendur Guðs, sjúkdóm þinn og lækningu. ­Það er það, sem um er að ræða, að hafa þetta samband við Guð. Þú getur ekki stressað þig inn í nærveru Guðs. Slappaðu heldur af og leyfðu Guði að sjá, um þetta.
Guð heyrir í hvert skifti, sem einhver biður. En oft er okkur ekki ljóst að bæn er barátta. Við verðum að biðja, þangað til bænasvarið brýst fram, halda út í bæn. Gott dæmi eru lærisveinarnir, sem sofnuðu í Getsemane, en þeir gátu líka beðið í tíu daga, frá uppstigningardegi til hvítasunnu. 
Hvað hafði gerst? Þeir sáu Jesú, og hann andaði á þá. Ég trúi því að betta hafi verið úthelling Heilags Anda þannig að þeir gátu «beðið í gegn» og vera vakandi þegar Andinn kom.

Ég vil lesa nánar um stöðu englanna andlegu baráttunni. Í Opinberunarbókinni, 19:10 lesum við að beir eru samþjónar okkar. Ef það er rétt, þá nota ég englana of litlum mæli í bænaþjónustunni. Er það vegna þess að englarnir skipa eðlilegan sess í menningunni að margar lækningar gerast í Suður Ameríku, en litlum mæli hjá okkur? spyr Jostein.

Hvað segirðu við þá, sem vilja ná lengra í bænalífi sínu?

Haltu áfram! 
Það er það mikilvægasta. Bænalifið er ótrulega mikilvægur hluti trúarlífsins. Þú getur ekki verið virkilega upptekinn af bæninni, nema þú sért upptekinn af fólki.

Þá viltu virkilega segja fra Jesú. Það hlýtur að vera spennandi að biðja?
Já, svo sannarlega. Ég get ekki skilið að fólk skuli ekki trúa pví.

Frá norska herópinu, Marit Dehli

tirsdag 20. desember 1983

“Litlu” söfnuðirnir og jólin

Jósteinn Nielsen, 
Hjálpræðisherinn

- Jólin minna okkur á það þegar Guð gerðist maður og kom til jarðar. Það var þá sem hjálpræðið kom til jarðar. Hjálpræðið sem Guð veitti okkur í Jesúm Kristi. Það er þessi boðskapur sem við munum predika nú um jólin, sagði Jósteinn Nielsen, kafteinn sem er yfir Hjálpræðishernum á Akureyri er hann var spurður um afstóðu hans og annarra hermanna til jólanna.

- Hvað greinir Hjálpræðisherinn frá öðrum kristnum mönnum t.d. frá Þjóðkirkjunni?

- Í guðfræðilegum skilningi er það ákaflega lítið sem greinir á milli okkar og annarra kristinna manna. Veraldlega er munurinn hins vegar meiri. Við göngum einkennisbúningi og störfum flestum stundum að liknarmálefnum.

- Túlkið þið jólin á annan hátt en t.d. þjóðkirkjumenn?

- Nei, en ólíkt mörgum innan Þjóðkirkjunnar, þá lítum við á páskana sem okkar aðalhátið. Þá var frelsisverk Jesú Krists fullkomnað. Jólin eru auðvitað mikilvæg lika, þvi það var þá. sem Jesús kom til okkar.

- Hvernig verður starf ykkar Hjálpræðishernum núna um jólin?

Okkar störf verða að venju fjölbreytileg. Það er ekki síst núna fyrir jólin sem við störfum mikið t.d. á götum úti en um sjálf jólin þá byrjar dagskráin sunnudaginn 18. desember með smá samkomu eða leikþætti sem við nefnum „Við syngjum jólin í garð". Á jóladag er svo okkar aðalsamkoma en þá verður jafnframt vígður einn nýr hermaður, sjötti nýi hermaðurinn á þessu ári.

- Á hvað leggið þið aðaláhersluna á þessari samkomu?

- Þetta verður hátiðleg samkoma, alvarleg samkoma en á öðrum samkomum okkar um jólin þá munum við reyna að hafa þetta létt og skemmtilegt. Við munum skemmta okkur þvi jólin eru gleðihátfð.

- Hvað tengjast margir Hjálpræðishernum hér á Akureyri?


- Hermennirnir eru ekki nema 24 en allt í allt gæti ég trúað að það væru um 100 manns sem tengjast Hjálpræðishernum beint í gegn um hermannafjölskyldur.

- Hvernig líður aðfangadagur hjá þér og þinni fjölskyldu?

- Fyrir hádegi á aðfangadag þá verð ég úti við frá 9-12: Þessa tíma verð ég við jólapottinn okkar og tek á móti framlögum til líknarmála. Fyrir þessi jól störfum við náið í tengslum við Félagsmálastofnunina. Þörfin fyrir hjálp fyrir þessi jól er mikil og við munum reyna að leggja það af mörkum sem við getum til að gleðja fólk. Við förum mikið til aldraðra og færum þeim smá gjafir og síðan verðum við einnig með fataúthlutun á nýjum og notuðum fatnaði.

Siðdeginu ver ég svo með fjölskyldunni og aðfangadagskvöldi einnig.

- Eigið þið samstarf við aðra söfnuði nú um jólin?

- Ekki um þessi jól en við höfum beitt okkur fyrir samstarfi hinna kristnu safnaðanna hér í bænum og það samstarf sem komið var á sl. vor var m.a. fyrir okkar tilstilli. Við höfum sama takmark og aðrir kristnir menn og þvi lítum við ekki á Þjóðkirkjuna eða aðra sem okkar andstæðinga eða keppinauta.

- Hvert er ykkar takmark?

- Okkar takmark er að leiða fólki fyrir sjónir að það þarf að eignast Jesú Krist sem frelsara.

- Hvað ætlar þú að hafa í jólamatinn að þessu sinni?

- Það verður vonandi „ribbe" — „juleribbe" eins og hjá öðrum Norðmönnum, segir Jósteinn og hlær, en til skýringar má geta þess að „ribbe" er rifjasteik. Alíka 
ómissandi jólamatur fyrir Norðmenn og hangikjötið, rjúpurnar hamborgarhryggurinn er fyrir Islendinga.
-----------------------
Dagur - desember 1983
“Litlu” söfnuðirnir og jólin - PDF 

lørdag 26. februar 1983

Blóð Jesú

Blóð Jesú sem á Golgata rann
til frelsis fyrir mig - syndarann.
Í dag mér gefur styrk þetta blóð Guðs lambs -
það mun aldrei missa sinn kraft.

Og hvert sem ég í þessum heimi fer
sá kraftur Guðs í Jesú blóði er.
Í dag mér gefur styrk þetta blóð Guðs lambs -
það mun aldrei missa sinn kraft.

Blóð Jesú tekur burt alla synd
á ný ég skapast í Drottins mynd.
Í dag mér gefur styrk þetta blóð Guðs lambs -
það mun aldrei missa sinn kraft.

Lag & Texti: Andrae Crouch
Þýð.: Jósteinn Níelsen 

Blóð Jesú - PDF

fredag 25. februar 1983

Ég hélt að það væri “djók”

Ég á ennþá plötuna - Það er hlekkur á lagið neðst á blogginu
Maður við mig sagði: “Nú ég gleði á!”
Annar við mig sagði að han tilgang sá:
“Bundinn hef ég verið, 

nú er ég frjáls segir Bibliubók!”

Ég hélt að það væri “djók”
þar til ég við Jesú tók!


Nú get ég sagt þér að ég gleði á
Til Jesu kom og þú munt tilgang sjá.
Bundinn hef ér verið, 
nú er ég frjáls þó að veik sé mín trú

“Þetta er “djók”!” segir þú
sjálfur reyndu það nú!


Lag & Texti: Andrae Crouch
Þýð.: Jósteinn Níelsen

--------------------------------
Original lyrics: 

Somebody told me of the joy they had
And somebody told me that in sorrow they could be glad
Then they told me once they were bound but now set free
But I didn't think it could be until it happened to me

But now I can tell you of the joy I have
And now I can tell you that in sorrow I can be glad
And now I can tell you once I was bound but now set free
But you'll never know that it's true until it happens to you

torsdag 24. februar 1983

Við skulum innan skamms

Við skulum innan skamms fá að sjá Konunginn (3x) 
Hallelúja, Hallelúja, 
fá að sjá Konunginn

Enginn grátur þar, 
því ég sé Konunginn (3x)
Hallelúja, Hallelúja, 
ég sé Konunginn 

Enginn dauði þar, því ég sé Konunginn (3x)
Hallelúja, Hallelúja, 
ég sé Konunginn 
 
Ef í lífi mínu hindrun mætir mér
tárin vilja væta mína brá
Þá af Guði ég kraft öðlast hér
til ég dvel á himni Jesú hjá.

Lag & Texti: Andrae Crouch
Þýð.: Jósteinn Níelsen

lørdag 19. februar 1983

Jesús - kom Guði frá

Jesús - kom Guði frá
Jesús - bjó okkur hjá
Líf og heilsu mönnum gaf Hann
Jesús - læknaði þá
Jesús - sem Guð trúðu á
sigur þeim á kross’num Hann vann.

Sami’ í gær og í dag ert þú
Dýrðleg vissa’ er sú
Sama líf og frelsi gefur þú nú.
Reynslan mín hún segir: 
þú ert gjöf Guðs handa mér
:/: Af því vil ég alltaf fylgja þér :/:

Jesús - ég .þakka þér
Jesús - frið gafst þú mér
frið ég eigi í heiminum sá
Jesús - goður ert þú
Jesús - þú ert mín brú
heim til Guðs himninum á.

Lag & Texti: Arnold Börud
Þýð.: Jósteinn Níelsen

torsdag 17. februar 1983

Við fótskör Mestarans

Við fætur Konungs situr kona
í kyrrð með Jesú María er
Segir sjálf: “Það er nauðsynlegt
því ég vil ölast gleði hér.

Þar við fótskör Mestarans
þar þú finnur gleði hans
Góða hlutskiptið það er
Það er komið undir þér ídag (í kvöld)
Velðu Jesú!

Marta mæðist í mörgu
Aðeins mat og gesti hún sér
Jesús segir: “Eitt er nauðsynlegt
ef þú vilt öðlast gleði hér!”

Taktu tíma til að hlusta’ á
Jesú tillögu til þín
Heyr hann segir: “Það er nauðsynlegt
að þú nú kemur heim til mín!”

Textur: Arnold Børud
Tónlist: Rolf Løvland
Þyð.: Jósteinn Nielsen